teensexonline.com
Thursday, July 25, 2024
HomeUncategorizedCovid +ve? What next ?

Covid +ve? What next ?

 കോവിഡ് പോസിറ്റീവ് ആയ മോന് അല്ലെങ്കിൽ മോൾക്ക് നല്ല പനിയും ഛർദ്ദിയും ഉണ്ട്. എത്ര മരുന്ന് കൊടുത്തിട്ടും പനി കുറയുന്നില്ല! ഇനി എന്ത് ചെയ്യണം??

കഴിഞ്ഞ ദിവസങ്ങളിലായി ധാരാളം ആരോഗ്യപ്രവർത്തകരായ സുഹൃത്തുക്കൾ പങ്ക് വച്ച ഒരു പ്രധാന ആശങ്കയാണിത്… 

എന്തായിരിക്കാം പനി കുറയാത്തതിന് കാരണം?? എല്ലാവരും ഒന്ന് വായിച്ച് നോക്കുമല്ലോ..

ആരോഗ്യമേഖലയിൽ ജോലി ചെയ്യുന്ന പ്രിയപ്പെട്ട സുഹൃത്തുക്കളേ,

(ഇത്‌ ഉപകാരപ്രദമായ ഒരു കുറിപ്പാണ് എന്ന് തോന്നുണ്ടെങ്കിൽ മാത്രം വായിച്ചിട്ട് മറക്കാതെ ഒന്ന് ഷെയർ ചെയ്തേക്കുക.)

 

ധാരാളം ആരോഗ്യപ്രവർത്തകരും അവരുടെ കുടുംബാംഗങ്ങളും കോവിഡ് പോസിറ്റീവ് ആണെന്ന് അറിയുന്നു. നൂറുകണക്കിന് നഴ്സുമാർ ജോലി ചെയ്യുന്ന പല ഗവണ്മെന്റ് – പ്രൈവറ്റ് ആശുപത്രികളിലും പകുതിയിലധികം നഴ്സുമാർ പോസിറ്റീവ് ആയ സ്ഥലങ്ങളും ഉണ്ട്. തിരുവനന്തപുരം, എറണാകുളം പോലുള്ള ജില്ലകളിൽ പ്രത്യേകിച്ചും.. 

എല്ലാവരും സൂക്ഷിക്കുക. ആവശ്യമായ മുൻകരുതലുകൾ എടുക്കുക. എല്ലാവർക്കും പെട്ടെന്ന് സുഖമാവട്ടെ..

എന്നാൽ പലർക്കും സ്വന്തം ബുദ്ധിമുട്ടുകളേക്കാൾ മക്കൾ പോസിറ്റീവ് ആണെന്നതാണ് വലിയ സങ്കടം. മുൻപുള്ളതിൽ നിന്ന് വ്യത്യസ്തമായി ഇത്തവണ കോവിഡ് പോസിറ്റീവ് ആകുന്ന കുട്ടികളിൽ ശക്തമായ പനിയും കടുത്ത ഛർദ്ദിയും ചിലരിൽ വയറിളക്കവും കാണുന്നുണ്ട്.

ഇത്തരം കേസുകളിൽ എന്ത് മരുന്ന് കൊടുത്തിട്ടും പനി കുറയുന്നില്ല എന്നും കുഞ്ഞ് ആകെ വാടിതളർന്നുകിടക്കുന്നു എന്നുമാണ് പലരും പറയുന്നത്.. പനി കുറയാത്തതിൽ എല്ലാവർക്കും നല്ല ടെൻഷനും ഉണ്ട്. കാരണം ശക്തമായ പനി കൂടുതൽ സമയം നീണ്ടുനിന്നാൽ അത്‌ പല കുട്ടികളിലും Febrile Fits ഉൾപ്പെടെയുള്ള പല തരത്തിലുള്ള സങ്കീർണ്ണതകളും ഉണ്ടാക്കിയേക്കാം എന്നത് തന്നെ..

കടുത്ത പനിയും ഛർദ്ദിയും ഉള്ളവരിൽ അത്‌ കറക്റ്റ് ചെയ്യാൻ വൈകുമ്പോൾ മുതിർന്നവർ എന്നോ കുട്ടികൾ എന്നോ വ്യത്യാസമില്ലാതെ ബ്ലഡ്‌ കൗണ്ട് കുറയുന്നതായും ബിപി ഫാൾ വരുന്നതായും കാണുന്നുണ്ട്.

എന്നാൽ നമ്മൾ നഴ്സുമാർ അല്ലെങ്കിൽ മറ്റ് വിഭാഗം ആരോഗ്യപ്രവർത്തകർ ആയിരുന്നിട്ടും പലപ്പോഴും ശ്രദ്ധിക്കാതെ പോകുന്ന ഒരു കാര്യമുണ്ട്. Dehydration ഉള്ള സമയത്ത് കുഞ്ഞിന് പനിയുണ്ടെങ്കിൽ അത്‌ എന്ത് മരുന്ന് കൊടുത്താലും കുറയാൻ ബുദ്ധിമുട്ടാണ് എന്നതാണത്. പാരസെറ്റമോൾ ടാബ് കൊടുത്തിട്ട് ഏൽക്കാതെ വരുമ്പോൾ പലരും മെഫ്താൽ അല്ലെങ്കിൽ പാരസെറ്റമോൾ ഇൻജക്ഷൻ, suppository എന്നിവ മാറി മാറി കൊടുത്തു നോക്കുന്നു. എന്നാൽ കുഞ്ഞിന്റെ പനി കുറയില്ല എന്ന് മാത്രമല്ല, കുഞ്ഞിന് പാരസെറ്റമോൾ ഓവർഡോസ് ആവുകയും ചെയ്യുന്നു!

ഇവിടെ ശ്രദ്ധിക്കേണ്ട കാര്യം ഇതാണ്. Dehydration ആണ് പനി കുറയാത്തതിന്റെ കാരണമെങ്കിൽ പാരസെറ്റമോൾ ഏതെല്ലാം റൂട്ടിൽ എത്ര ഹെവി ഡോസ് പാരസെറ്റമോൾ കൊടുത്താലും പനി കുറയാൻ ബുദ്ധിമുട്ടാണ്.

അത്തരം സാഹചര്യങ്ങളിൽ Dehydration എത്രയും വേഗം കറക്റ്റ് ചെയ്യുക എന്നാണ് ഇവിടെ ഏറ്റവും പ്രധാനപ്പെട്ട കാര്യം. 

ഛർദ്ദിയുള്ള കുട്ടികൾ കഴിക്കുന്ന വെള്ളവും ഭക്ഷണവും ഒക്കെ ഛർദ്ദിച്ചുപോകുന്നുണ്ടാവും. ഒന്നുരണ്ടു വട്ടം വെള്ളമോ ഭക്ഷണമോ കഴിച്ചതിന്റെ പിന്നാലെ ഛർദ്ദിച്ചു പോകുന്നതോടെ ഛർദ്ദിക്കുമോ എന്ന പേടി കാരണം കുട്ടികൾ വെള്ളംപോലും കുടിക്കാൻ മടിക്കുന്നു. കാരണം ഭൂരിപക്ഷം കുട്ടികൾക്കും ഛർദ്ദി എന്നാൽ ഭയപ്പെടുത്തുന്ന ഒരു അനുഭവമാണ്. ആയതിനാൽ ഛർദ്ദിക്കുമോ എന്ന പേടിയിൽ നിങ്ങൾ എത്രതന്നെ നിർബന്ധിച്ചാലും അവർ വെള്ളമോ ഭക്ഷണമോ കഴിക്കാൻ കൂട്ടാക്കില്ല. അങ്ങനെ Dehydration ആകുന്നു. എത്ര മരുന്ന് കൊടുത്താലും പനി കുറയാതെയും വരുന്നു.

കുട്ടി പോസിറ്റീവ് ആയതിനാൽ ഹോസ്പിറ്റലിൽ കൊണ്ടുപോകാൻ കഴിയാത്ത സാഹചര്യം ആയിരിക്കുമല്ലോ. അതുകൊണ്ടാണ് ഇത്ര വിശദമായി പറഞ്ഞുതരുന്നത്. മിക്കവാറും നിങ്ങളും പോസിറ്റീവ് ആയിരിക്കുകയും ചെയ്യും.

ഇത്തരം സാഹചര്യങ്ങളിൽ ആദ്യം dehydration കറക്റ്റ് ചെയ്യുക എന്നതാണ് ശ്രദ്ധിക്കേണ്ടത്. നിങ്ങൾക്ക് പരിചയമുള്ള ഏതെങ്കിലും ഒരു ഡോക്ടറെ ഫോണിൽ വിളിച്ച് അദ്ദേഹത്തിന്റെ കൂടി ഉപദേശപ്രകാരം Antiemetic tablet കൊടുക്കുക. 

എന്നിട്ട് അര മണിക്കൂർ എങ്കിലും കഴിഞ്ഞേ വെള്ളമോ ഭക്ഷണമോ നൽകാവൂ..

ടാബ് കൊടുത്തിട്ടും വീണ്ടും vomit ചെയ്യുകയാണെങ്കിൽ ഡോക്ടറുടെ നിർദ്ദേശപ്രകാരം ഒരു Cannula ഇട്ട് Antiemetic ഇൻജക്ഷൻ കൊടുക്കുക. നല്ല ക്ഷീണമുണ്ടെങ്കിൽ ഐവി ഫ്ലൂയിഡ് കൂടി കൊടുക്കുന്നത് നന്നായിരിക്കും. തീരെ ചെറിയ കുട്ടികൾ ആണെങ്കിൽ കൃത്യമായ കണക്കിൽ മാത്രം ഫ്ലൂയിഡ് കൊടുക്കുക.

Antiemetic ടാബ്ലറ്റ് അല്ലെങ്കിൽ ഇൻജക്ഷൻ എത്ര ഡോസിൽ കൊടുക്കണം,ഫ്ലൂയിഡ് കൊടുക്കേണ്ട അളവ് എന്നിവയിൽ നിങ്ങൾക്ക് സംശയമുണ്ടെങ്കിൽ നിങ്ങൾക്ക് പരിചയമുള്ള ഒരു ഡോക്ടറോട് ഫോണിൽ ഉപദേശം ചോദിക്കുന്നത് നന്നായിരിക്കും. ഇത്തരം സാഹചര്യങ്ങളിൽ നാം ഡോക്ടറെ വിളിക്കുമ്പോൾ കുഞ്ഞിന്റെ തൂക്കം കൂടി ഉറപ്പ് വരുത്തിയശേഷം വിളിക്കുക. സാധാരണ ഇത്തരം സാഹചര്യങ്ങളിൽ Ondancetron ( Emeset ) എന്ന മരുന്നാണ് Antiemetic ആയി ഡോക്ടർ നിർദ്ദേശിക്കാറുള്ളത്. 

ചില നഴ്‌സ്‌ അമ്മമാർ നല്ല സ്മാർട്ട്‌ ആണ്. അവർക്ക് തന്റെ കുഞ്ഞുങ്ങൾ വളരുന്നതിനനുസരിച്ച് ഓരോ മരുന്നും എത്രയാണ് കൊടുക്കേണ്ടത് എന്നൊക്കെ കൃത്യമായി അറിയാം. കുഞ്ഞിന്റെ തൂക്കവും അവർക്ക് മനഃപാഠമായിരിക്കും.

Vomiting നിയന്ത്രണവിധേയമായി കഴിഞ്ഞാൽ കുഞ്ഞിന് അൽപ്പം വെള്ളം നൽകി നോക്കുക. ഛർദ്ദിക്കുന്നില്ല എങ്കിൽ കുറച്ച് കൂടി വെള്ളം അല്ലെങ്കിൽ ORS പോലെ ഏതെങ്കിലും പാനീയങ്ങൾ വെള്ളവും മറ്റും നൽകുക. കുറച്ച് കഴിഞ്ഞ് ദ്രാവകരൂപത്തിലുള്ള എന്തെങ്കിലും ഭക്ഷണവും നൽകാം.

ഇത്തരം സാഹചര്യങ്ങളിൽ ഏറ്റവും ഉപകാരപ്രദമായ ഒന്നാണ് ORS പാനീയം. Wonder drug, Magic drug എന്നൊക്കെയാണ് പല രാജ്യങ്ങളിലും ഇതിന്റെ ഓമനപ്പേര്. കാരണം അത്ര ഗുണങ്ങൾ അടങ്ങിയ ഒന്നാണിത്.

പനിയുള്ളപ്പോൾ ഭക്ഷണം കഴിക്കാൻ മടിയുള്ള കുഞ്ഞുങ്ങൾക്ക് ഓറഞ്ച് ഫ്ലേവർ ORS വാങ്ങി കലക്കി അല്പാൽപ്പമായി കൊടുത്തുകൊണ്ടിരുന്നാൽ പെട്ടെന്ന് ക്ഷീണം കുറയുകയും Dehydration കറക്റ്റ് ആവുകയും ചെയ്യും. Dehydration പരിഹരിച്ചുകഴിഞ്ഞാൽ കുഞ്ഞിന് പനിയുടെ മരുന്നുകൾ കൊടുത്തുനോക്കൂ.. പെട്ടെന്ന് പനി കുറയുന്നതായി കാണാം.

 എന്നാൽ ORS കുടിക്കാൻ ചില കുട്ടികൾക്ക് ഭയങ്കര മടിയാണ്. അതിന്റെ ടേസ്റ്റ് പലർക്കും ഇഷ്ടപ്പെടില്ല. ഓറഞ്ച് ഫ്ലേവർ ആണെങ്കിൽ പോലും ചില കുട്ടികൾ അത്‌ കുടിക്കില്ല.

ORS തീരെ ഇഷ്ടമില്ലാത്തതും അത്‌ കഴിച്ചാലുടൻ Nausea tendency കാണിക്കുന്നതുമായ കുട്ടികൾക്ക് യാതൊരു കാരണവശാലും പ്ലെയിൻ ORS കൊടുക്കാൻ ശ്രമിക്കരുത്. 

മടിയുള്ള കുട്ടികൾക്ക് ഒന്നുകിൽ അതിൽ അൽപ്പം നാരങ്ങനീരും അൽപ്പം പഞ്ചസാരയും കൂടി ചേർത്ത് കൊടുത്താൽ മിക്കവാറും അതിഷ്ടപ്പെടും. അതല്ലെങ്കിൽ ഫ്രൂട്ടി പോലെയുള്ള പാക്കറ്റുകളിൽ വരുന്ന ORS ജ്യൂസ്‌ ഇപ്പോൾ മെഡിക്കൽ ഷോപ്പുകളിൽ ലഭ്യമാണ്. അതിന്റെ ടേസ്റ്റ് കുറച്ചുകൂടി കുട്ടികൾക്ക് ഇഷ്ടപ്പെടുന്നതാണ്. അതും കുടിക്കാൻ മടിയുള്ള കുഞ്ഞുങ്ങൾക്ക് ശുദ്ധമായ കരിക്കിൻ വെള്ളം നൽകുക. വീട്ടിലെ തെങ്ങിൽ ഉണ്ടായ കരിക്ക് ആണെങ്കിൽ ഏറ്റവും നല്ലത്. അതും അല്ലെങ്കിൽ പഞ്ചസാരയും അൽപ്പം ഉപ്പും ചേർത്ത കഞ്ഞിവെള്ളം അല്ലെങ്കിൽ നാരങ്ങവെള്ളം കൊടുക്കുക.

നല്ല പനിയും ഛർദ്ദിയും ഉള്ള പക്ഷം നമ്മുടെ മുന്നിൽ അധികം സമയം ഇല്ലാത്തതിനാൽ ഐവി ഫ്ലൂയിഡ് കൊടുത്ത് തന്നെ dehydration ക്ലിയർ ചെയ്യുന്നതാണ് നല്ലത്. ഛർദ്ദിക്ക് ഇൻജക്ഷനും കൊടുക്കണം. ആദ്യത്തെ കടുത്ത പനിയും ഛർദ്ദിയും കുറയുന്നതോടെ പിന്നീട് കുഞ്ഞ് വെള്ളവും ഭക്ഷണവും കഴിക്കാൻ തയ്യാറാകുന്നു. എന്നാലും രണ്ടുദിവസത്തേക്ക് Antiemetic ടാബ്ലറ്റ് മൂന്ന് നേരം കൊടുത്ത് അരമണിക്കൂറെങ്കിലും കഴിഞ്ഞു മാത്രം വെള്ളവും ഭക്ഷണവും ബാക്കി മരുന്നുകളും കൊടുക്കുക.

കഞ്ഞി, ഓട്സ് അല്ലെങ്കിൽ ഫ്രഷ് ജ്യൂസുകൾ പോലെയുള്ള ദ്രവരൂപത്തിലുള്ള ഭക്ഷണം കൊടുക്കുന്നതാണ് നല്ലത്. ഇതാവുമ്പോൾ കുഞ്ഞുങ്ങൾക്ക് കഴിക്കാനും എളുപ്പമാണ്,ദഹിക്കാനും എളുപ്പമാണ്..

ഇങ്ങനെ ആദ്യം dehydration കറക്റ്റ് ചെയ്യുകയും അതോടൊപ്പം പനിയുടെ മരുന്നുകൾ കൊടുത്ത് temperature നിയന്ത്രണവിധേയമാക്കുകയും ചെയ്യണം.

അല്ലാതെ എത്ര മരുന്ന് നിങ്ങൾ കൊടുത്താലും പനി കുറയില്ല.  

 അല്ലെങ്കിൽ കുട്ടികൾ പനിയും ഛർദ്ദിയും കുറയാതെ ഭക്ഷണവും വെള്ളവും കുടിക്കാതെ വാടിതളർന്നു കിടക്കുകയും ചെയ്യും. നിങ്ങൾ കൊടുക്കുന്ന ഭക്ഷണവും വെള്ളവും വീണ്ടും vomit ചെയ്ത് പോകും. പനി കുറയാത്ത പരിഭ്രാന്തിയിൽ നിങ്ങൾ വീണ്ടും പാരസെറ്റമോൾ ഇൻജക്ഷൻ രൂപത്തിലോ suppository ആയിട്ടോ കൊടുക്കും.. കുട്ടിക്ക് പാരസെറ്റമോൾ ഓവർഡോസ് ആകും എന്നല്ലാതെ ഒരു ഗുണവും അതുകൊണ്ട് ഉണ്ടാകാൻ പോകുന്നില്ല. അങ്ങനെ കുറേ നേരം കടുത്ത പനിയും dehydration ഉം നീണ്ടുനിന്നാൽ ഗുരുതരമായ സങ്കീർണ്ണതകൾ ഉണ്ടാകാം…  

കുഞ്ഞിന് തീരെ വയ്യെങ്കിൽ Oral Therapy ചെയ്ത് സമയം പാഴാക്കാതെ ഡോക്ടറുടെ ഉപദേശം കൂടി തേടിയിട്ട് ഒരു cannula ഇട്ട് IV ഫ്ലൂയിഡും ആവശ്യമെങ്കിൽ Antiemetic ഇൻജക്ഷനും കൂടി പെട്ടെന്ന് കൊടുക്കുക. ആവശ്യമായ പനിയുടെ മരുന്നും കൊടുക്കുക.

നിങ്ങൾക്ക് സംശയങ്ങൾ വിളിച്ച് ചോദിക്കാൻ പാകത്തിൽ അടുപ്പമുള്ള ഒരു ഡോക്ടർ സുഹൃത്ത് ഇല്ലെങ്കിൽ കേരള സർക്കാരിന്റെ ഇ സഞ്ജീവനി പദ്ധതി പ്രകാരം ഫോണിലൂടെ ഡോക്ടറെ consult ചെയ്യാവുന്നതാണ്. ഇവർ കുറിക്കുന്ന പ്രിസ്ക്രിപ്‌ഷൻ ഡൗൺലോഡ് ചെയ്തെടുത്തിട്ട് അടുത്തുള്ള ഗവണ്മെന്റ് ഹോസ്പിറ്റലിലെ ഫാർമസിയിൽ നിന്നും സൗജന്യമായി മരുന്നുകൾ വാങ്ങാവുന്നതാണ്. അതല്ലെങ്കിൽ നിങ്ങളുടെ മൊബൈൽ ഫോണിൽ ഡൗൺലോഡ് ചെയ്തെടുക്കുന്ന കുറിപ്പടി വാട്സ്ആപ്പ് വഴിയോ മറ്റോ നിങ്ങളുടെ സുഹൃത്തുക്കൾക്കോ ബന്ധുക്കൾക്കോ അയച്ചു കൊടുത്ത് മെഡിസിൻ വാങ്ങിപ്പിക്കുക.

ഇ സഞ്ജീവനി പ്രകാരം ഡോക്ടറെ consult ചെയ്യുന്നത് എങ്ങനെയെന്നത് വളരെ വിശദമായി ഇതോടൊപ്പമുള്ള പത്രവാർത്തയിൽ കാണാൻ സാധിക്കും. 

പലരുടെയും വീട്ടിൽ രക്ഷിതാക്കളും പോസിറ്റീവ് ആണ്. മുതിർന്നവർക്ക് രക്തത്തിലെ ഓക്സിജൻ അളവ് കൃത്യമായി മോണിറ്റർ ചെയ്യുക എന്നത് വളരെ പ്രധാനമാണ്. അങ്ങനെ നോക്കുമ്പോൾ 94 ന് താഴെ കണ്ടാൽ വീണ്ടും തുടർച്ചയായി പരിശോധിക്കുകയും 90 ന് താഴേക്ക് പോയാൽ ഡോക്ടറെ അറിയിക്കുകയും ചെയ്യുക. നിങ്ങളുടെ പഞ്ചായത്തിലെ ഹെൽത്ത്‌ സെന്ററിലെ ഹെൽത്ത്‌ ഇൻസ്‌പെക്ടറേയോ അല്ലെങ്കിൽ ജൂനിയർ പബ്ലിക് ഹെൽത്ത്‌ നഴ്സിനെയോ അറിയിച്ചാലും മതി. അതുപോലെ കടുത്ത ക്ഷീണമോ ചുമയോ ഉണ്ടെങ്കിൽ പോസ്റ്റ്‌ കോവിഡ് പീരിയഡിലും ഇടവേളകളിൽ CBC, D Dimer, CRP, Serum Ferritin എന്നീ ടെസ്റ്റുകളും ചെയ്ത് നോക്കണം. ചുമ കൂടുതലാണെങ്കിൽ ഒരു Chest X ray എടുത്ത് നോക്കുന്നതും നല്ലതാണ്.

എന്ത് ബുദ്ധിമുട്ട് ആർക്ക് അനുഭവപ്പെട്ടാലും ഉടനെ തന്നെ ഫോൺ വഴി ഡോക്ടറെ consult ചെയ്യുക.

ഇത്‌ ഉപകാരപ്രദമായ ഒരു കുറിപ്പാണ് എന്ന് തോന്നുണ്ടെങ്കിൽ മാത്രം വായിച്ചിട്ട് മറക്കാതെ ഒന്ന് ഷെയർ ചെയ്തേക്കുക.

RELATED ARTICLES

LEAVE A REPLY

Please enter your comment!
Please enter your name here

- Advertisment -

Folloow us

2,500FansLike
1,452FollowersFollow
770SubscribersSubscribe

Gulf Jobs

KNPC Short-Term Project – Hiring for Kuwait

KNPC Short-Term Project - Hiring for Kuwait - Highlights Job Location: Kuwait, Company: KNPC - Kuwait Required Nationalities: India, Job Category: Oil and gas jobs Walk-in Location: Uttar Pradesh, Walk-in...

Category